Kennsluvefur Fjölbrautaskóla Suðurnesja

Alvarlegt bílslys varð í Kópavogi á öðrum tímanum í nótt. Ökumaður sem var á leið suður Kringlumýrarbraut með 4 farþega missti stjórn á bílnum í Fossvogi. Ók hann upp á vegrið sem skilur akreinarnar að og hentist bíllinn fram af brúnni niður á Nýbýlaveg þar sem hann valt niður grasbrekku og staðnæmdist upp á rönd.

Fundur Icesave-viðræðunefnda annars vegar Íslendinga og Breta og Hollendinga hins vegar hófst í Hollandi í gær en nefndirnar hittust síðast í júlí.

Garðyrkjubændur byrja margir í þessari viku að taka grænmeti upp úr útigörðum til geymslu fyrir veturinn.

Mjög heitt hefur verið í veðri á Norðurlandi og síðdegis í gær komst hitinn í 22,4 gráður í Ásbyrgi. Nærri 22 stiga hiti var á Möðruvöllum og mældust 21,6 gráður á Húsavík.

Þetta er algerlega ófyrirgefanlegt, segir Sigmar B. Hauksson, formaður Skotveiðifélags Íslands, um bráð, sem veiðimenn skildu eftir í plastpoka við Hálslón um helgina eftir að hafa hirt bringukjötið.